ALBISTEAK

Asteko Athleticen hurrengo partiduari buruz hitz egiten hasiko naiz. Izan ere, Athleticek Espanyolen aurka jokatuko duen partiduaren ordutegia badakizue, baina partidu hau badakigu era berean La Sexta telebista kateak emitituko duela. Partidu honetarako aipatu genizuen De La Peña eta Tamudo jokalariak duda direla, eta era berean Athleticeko Iraola, Murillo eta David Lopez ere duda dira partidu horretarako. Beraz probableena da Etxeitak jokatzea Iraola eta Murilloren lekuan eta Susaetak David Lopezen lekuan.

NEGUKO MUGIMENDUA

Lehenago aipatu genizuen bezala, Gaizka Toquero, Eibarren utsita zebilen jokalaria, Athleticera itzuli da eta Iñigo Velez beste talde batera bidali nahi dute. Aurrelari honen mugimenduen atzetik hainbat talde dabiltza, hala nola, Eibar bera, Alaves edota Numantzia. Gure ustez jokalari hau Athleticek Eibarri hutsi beharko lioke, talde armagina aurrelari gabe hutsi dugulako. Baina arazoa zera da, Iñigok ez duela mailaz jaitsi nahi, beraz Eibarren edota Alavesen jokatzea nahiko zaila izango da. Gauzak nola dauden ikusita, Numantziara joateko bidea ez da ixten, baina Sorian ez dute fitxaketa eginda ikusten.

HURRENGO PARTIDUAK

Athleticek ligan zein kopan dituen hurrengo partiduen ordutegiak badakizkizue jadanik, baina atzo hurrengo partiduaren ordutegia esan zuten. Espanyolen aurka jokatu ondoren, kopako partiduak kontuan hartu gabe, Athleticek Vicente Calderon futbol zelaian jokatu beharko du. At.Madrid- Athletic partidu hau urtarrilaren 11an izango da, igandea, arratsaldeko 17.00etan.
Bestalde Espanyolen aurkako partiduai begira, albiste onak heldu zaizkigu. Izan ere, San Mamesen jokatuko den partidu horretarako De La Peña eta Tamudo, Espanyoleko jokalariak, duda dira, beraz ez dago ziur jokatuko duten. Era berean Athleticek ere baja pare bat izan ditzake partidu horretarako, batik bat eskuin egalean, Iraola eta Murillo lesionaturik baitaude.

NEGUKO GELDIALDIA

Hurrengo asteburu honetan ez da Ligarik egongo eta Ligako talde guztietako jokalariek atsedena izango dute egun batzuez. Azken egun hauetan Athleticek berri bat eman du, izan ere, Gaizka Toquero aurrelaria, Eibarren utzita dagoena, errekuperatu nahi du talde bilbotarrak.
Bestalde, Iñigo Velez aurrelaria ere saltzeko asmoa erakutsi du talde bilbotarrak. Murtziatik etorritako aurrelariak ez du minutu askorik izan Caparrosen agindupean eta honen tokian lehen aipaturiko Toquero egongo dela dirudi.

BETIS 0-1 ATHLETIC

Atzo Athleticek garaipen garrantzitsua lortu zuen Ruiz de Lopera futbol zelaian. Betisek partidu txarra jokatu zuen eta Athleticek, aldiz, sorte txarra izan zuen lesioekin. Izan ere, hasierako hamaikakoan Iraola partidu guztietan egon zen atzoko partidura arte. Atzo eskuineko egala arazoz beterik izan zuen Athleticek, lehen esan bezala Iraolak ez zuen jokatzerik izan eta bere ordez Murillok jokatu zuen baina hau ere lesionatu zenean, Caparrosek Etxeita zentrala jarri zuen egalean. Arazoak ez ziren hor bukatu, beranduago David Lopez lesionatu zelako, honen ordez Susaeta sartu zen.
Partiduak ez zuen askorik eman, Betisek ez zuen ezer egin eta Korner baten ondoren, Javi Martinezek 0-1ekoa egin zuen. Betisek aukera garbi bakarra izan zuen Pavoneren oinetan, baina Iraizozek gelditu zuen. Bestalde, Athleticek partidua gol gehiagogatik irabazteko aukera izan zuen era berean. Velezek aukera ona izan zuen baina aukera obeagoa izan zuten Javi Martinez eta Etxeitaren artean, atezaina lurrean zegoen arren ezin izan zutelako baloia sareetara bidali.
Azkenean 0-1 eta Athletic jaitsiera postuetatik 6 puntura gelditu da.

ATHLETICEN PARTIDUEN ORDUTEGIAK

Aste honetan Athleticen Liga eta Kopako hurrengo konpromezuen ordutegia jakin dugu. Asteburu honetan Betisen aurka igandean 21.00etan izango da badakizuenez.
Oporretatik bueltan, Athleticek kopako partidua izango du Osasunaren aurka. Partidu hau, urtarrilaren 8an izango da, ostegunean gaueko 21.00etan. Aste horretako asteburuan Athleticek Espanyolen aurka jokatuko du San Mamesen igandean, arratsaldeko 17.00etan.
Azkenik, kopan Osasunaren aurkako partidua, bueltari dagokiona, San Mamesen ostegunean izango da, 15ean, gaueko 21.00etan.

ALBILSTEAK

Esan behar dugun lehen gauza atzo Athleticeko sozio konpromisarioek egin zuten batzarra. Bertan taldearen estatutuak eta aurrekontua aprobatu zioten soizoek Fernando Garcia Macua Athleticeko presidenteari.
Bestalde, Gurpegi gaur berriro entrenatu da sudurreko ebakuntza egin ziotenetik, baina gimnasion entrenatu da sudurrean kolperik har ez dezan.
Azkenik, igandeko partiduari begira, albiste onak jaso genituen pasa den igandean. Izan ere, Betisek Calderonen jokaturiko partiduan Mehmet Aureliok eta Emanak bosgarren txartel horia ikusi zuten, beraz ezin izango dute Athleticen aurka jokatu.

INFORMAZIOA

Atzoko partiduan Gurpegi eta Pitxu Cuellarren arteko kolpe ikaragarria ikusi genuen. Athleticeko jokalaria sudurretik operatu dute eta ez dakigu zihur zenbat denbora egon daitekeen bajan.
Badakiguna zera da, Sportingeko atezaina hiru edo lau hilabetez egongo dela jokatu gabe.
Hurrengo partiduan Sevillan jokatu behar du talde bilbotarrak jadanik badakizuenez. Partidu horretarako Joaquin Caparrosek Pablo Orbaiz berreskuratuko du, beraz partidu horretan erdilari lanetan Orbaiz, ziurrenik, Javi Martinezekin batera egongo da jokatzen. Oraindik ez dakigu egaletatik nork jokatuko duen, ezta ziurrenik Llorenterekin batera nork joka dezakeen.

ATHLETIC 3-0 SPORTING

Atzo arratsaldean Athleticek partidu lasaia izan zuen Sportingen aurka, izan ere, bilbotarrek 3-0 irabazi zuten. Partidua hasi bezain laster epaileak Llorenteri egindako penalty-a adierazi zuen, hau Llorentek berak bota zuen eta bostgarren minuturako 1-0ekoa lortu zuten bilbotarrek. Sporingek erasora joateko nahiak erakutzi zituen baina ez zuen aukera garbirik lortu eta 22. minutuan Iraolak 2-0ekoa lortu zuen, Ion Velezek buruz emandako pase baten bitartez. Lehen zatia bukatu baino lehen, David Lopezek 3-0ekoa lortu zuen baloia sareetara bidali ondoren. Gol hau ederra izan zen, Yestek pase bikaina eman baitzion Davidi.
Bigarren zatian Athletic laugarrena bilatzera irten zen baina gol hau ez zen heldu. Bigarren zati honetan ez zen askorik gertatu, aipagarriena Gurpegi eta Cuellarren arteko kolpea izan zen. Gurpegik sudurra hautsita baitu.
Azkenean hiru puntuak Bilbon eta urteko azken partiduan pentsatzen.

ALBISTE BERRIAK

2 partidu bakarrik falta dira Espainiako liga gabonetako atsedenaldira heltzeko. Esan genuen bezala, Athleticek bi partidu bakarrik jokatu behar ditu, Sportingen aurka San Mamesen eta Betisen aurka Sevillan. Lehen partiduaren ordutegia eta plataforma badakizkigu, igandean, arratsaldeko 17.00etan eta partidua Gol Tv-ren bitartez ikus daiteke. Bigarrena, Betisen aurka, igandean, gaueko 21.00etan izango da, Canal+en bitartez.
Datorren iganderako partiduari begira, Orbaizek ezin izango du jokatu Santanderren txartel gorria ikusi zuelako. Era berean, Balenziaga eta Ocio duda dira. Hauen tokian Koikili eta Etxeitak jokatu dezakete, Orbaizen lekua Yestek hartu dezakeelarik.
Gaur ere jakin dugu Athletic-Levante partidua, 2006/2007. Ligari zegokiona, astertzen hasiko direla, fraude posible baten aurrean.
Albiste hau pasa den astetik genekien, baina gaur jakinarazi da partidaren datuak fiskalari bidali dizkiotela.

albiste berriak

Athleticen hurrengo partiduari buruz hitz egingo dugu orain. Izan ere Athleticek datorren igandean arratsaldeko 17.00etan Sportingen aurka jokatuko du San Mamesen. Partidua oraindik ez dakigu non emango duten, Gol Tv, PPV edota la Sextan.
Bestalde datorren astebururako partiduari begira, Pablo Orbaizek ezin izango du jokatu, Santanderren txartel gorria ikusi baitzuen eta hurrengo partiduan ezin izango du jokatu.
Urtea bukatu aurretik, Athleticek Sportingen aurka jokatu ezik, abenduaren 21ean Sevillan jokatuko du Ruiz de Lopera futbol zelaian, Betis Athletic partidu hau igandean izango da, gaueko 21.00etan eta Canal +ek emango du partidua.

RACING 1-1 ATHLETIC

Pasa den igandean Athleticek puntu bat lortu zuen Santanderren, hasiera batean puntu ona dirudien arren, ez da hain ona partidua ikusita. Athleticen hamaikakoan aldaketa bat egon zen, koikili balenziagaren ordez jarri baitzuen Caparrosek. Lehen zatian ez zen askorik gertatu Athletic atzean sartu zen eta Racingek ez zituen aukera garbiak sortu.
Bigarren zatian ordea partidua zeharo aldatu zen, izan ere, bigarren zatiko laugarren minutuan Yestek Athletic aurreratu zuen markagailuan falta bat golean bihurtu ondoren. Momentu horretatik aurrera Racingek erasoari ekin zion baino ez zuen aukera garbirik egin, hala ere, Colsak falta bat areara erdiratu ondoren, Gorka Iraizoz baloia arrapatzera zioala, eskuetatik joan zitzaion eta Racingek 1-1ekoa lortu zuen.
Bazirudien puntua ontzat eman beharko zela baina Iraolak 93. minutuan falta bat atera ondoren Amorebieta Racingeko atezainaren aurrean gelditu zen bakar bakarrik, baina bi aldiz errematatu arren, huts egin zuen.

ERREGE KOPA

Astelehenean errege kopako final zortzirenen, laurdenen eta semi finalen sosketa egin zen. Athletic bertan zegoen eta nahiko sorte izan genuen. Izan ere, final zortzirenetan Osasuna-Athletic partidua atera zen, joaneko partidua Iruñean izango da urtarrilaren 7an. Bueltakoa berriz San Mamesen urtarrilaren 14ean. Gure taldeak kanporaketa hau pasatuko balu, final laurdenetan Sporting-Valladolid partiduko irabazlea izango dugu aurkari. Hurrengo kanporaketara sartuko bagina, hau da, semifinaletara, lau arerio posible egongo lirateke, Racing, Valencia, Deportivo edota Sevilla.

ATHLETIC 2-0 NUMANCIA

Atzo Athletic-ek garaipen garrantzitsu bat lortu zuen Numantziaren aurka, garaipen honekin, jaitsiera postuetatik ateratzen garela ere esan beharra dago. Hasierako hamaikakoan Amorebietak ezin izan zuen jokatu lesio batengatik, bere ordez Etxeita zelairatu zuen Caparrosek. Bestalde, Orbaizen tokian Yeste zelairatu zen. Athleticek partidu lasaia izan zuen aspaldiko partez, lehen zatiko 7. minutuan Llorentek buruz egin 1-0ekoa, Yestek falta bat Susaetari azkar atera eta honek Llorenteri erdiratu ondoren heldu zen gola. Lehen zatiko ordu erdia bete zenean, Llorentek berriro ere 2-0ekoa lortu zuen area kanpoaldetik jaurtiketa gogor bat egin ondoren.
Partiduaren bigarren zatia hasi bezain laster Susaetak baloia langara bidali zuen eta Numantziako atezainak geldiketa pare bat egin behar izan zituen, baina ez batak ez besteak ez zuen aukera garbirik sortu. Partidua bukatzear zegoela, epaileak bigarren txartela atera zion Etxeitari denbora galtzeagatik, beraz hurrengo partidurako buruausteak zentrala nor izango den jakiteko.

Hurrengo partiduak

Athleticen Ligako hurrengo partiduak ikaragarri garrantzitsuak izango dira. Izan ere, asteburu honetan San Mamesen Athleticek Numantzia izango du bizitari. Partidu hau igandean izango da, arratsaldeko 17.00, oraindik ez dakigu ze telebista kanalak emango duen partidu hau, PPV plataformak edota Gol Tv. Esan beharra dago partidu hau garrantzitsua dela, irabazi ezkero, jaitsiera postuetatik irten gaitezkelako eta galdu ezkero, salbazioa urrunago egongo dela.
Bestalde, hurrengo asteburuan, Athleticek Santanderren jokatuko du, El Sardineron. Partidu hau igandean izango da arratsaldeko 17.00etan.

DEPORTIVO 3-1 ATHLETIC

Pasa den igandean Athleticek Riazorren jokatu zuen. Partidua lehen aipatu dugun moduan, galdu egin genuen. Beste taldean Athletic-eko ex jokalari bat zegoen, Dani Aranzubia, atezaina. Athleticek partidu hasiera txarra egin zuen eta taldeko onena Iraizoz atezaina izan zen guretzat. Deporren lehen gola Ze Castrok lortu zuen falta batean. Partidua 1-0 zegoelarik epaileak Llorenteri egindako penalty bat adierazi zuen, baina Iraolak huts egin zuen, edo Aranzubiak gelditu zuen. Partidua berdintzeko aukera galduta Amorebietak Bodipori penaltya egin zion eta Verduk ez zuen aukera galdu 2-0 jarriz. Bigarren zatian Athletic partidua irabaztera atera zen eta Javi Martinezek buruz 2-1ekoa igoarazi zuen markagailura. Baina bigarren aldiz Athletic partidua berdintzeko ezgai agertu zen, izan ere, Llorentek arean errematutako baloi bat, barrura zioana, Javi Martinezi eman zion eta ez zen berdinketa igo markagailura. Partidua bukatzear zegoela, Guardadok kontraeraso batean 3-1ekoa jarri zuen.

ALBISTE GEHIAGO

Lehenengo aurrerago aipatu dugun berria azpimarratu behar da, Ustaritzen lesioa. Hau Amorebietaren lesioari batu ezkero defentsa gutxirekin gelditzen gara, Ocio, Etxeita edota Gurpegi izan litezke zentralak hurrengo partiduetan.
Bestalde, aste honetan Espainiak jokatuko du Chileren aurka eta Espainiako entrenatzaileak Athleticeko jokalari bat deitu du partidu horretarako, Fernando Llorente aurrelaria.
Bukatzeko Athleticek hurrengo partiduaren ordutegia badugu eta Ligako hurrengo partidua, hau da, Deportivo-Athletic partidua igandean izango da, gaueko bederatzietan eta Canal+ emango du partidua.

ATHLETIC 2-0 OSASUNA

Atzo jokaturiko partiduan Athleticek hiru puntu garrantzitsu lortu zituen Osasunaren aurka. Zati bakoitza talde batentzat izan zen, lehena Athleticentzat eta bigarrena Osasunarentzat. Lehen zatian talde bilbotarrak hainbat aukera izan zituen markagailuan gol bat baino gehiago lortzeko. Hala ere, lehen zatian, Garmendiak 1-0 egin zuen Llorentek erremataturiko baloi bat hartu zuenean. Athleticek bigarrena lortu behar zuen Osasuna akabatzeko, baina ez zen horrela izan eta bigarren zatian sufritzea tokatu zen. Osasunak ez zuen aukera garbirik egin baina Iraolak Portilloren berdinketa saihestu zuen baloia kornerrera botata. Baina 88. minutuan Athleticek egindako jokaldi on baten ondoren, Llorentek 2-0 egin zuen eta hiru puntuak Bilbon gelditu ziren.
Albiste txar bat eman zen partiduan ere, Ustaritzen lesioa, hilabete baterako egongo da bajaz. Honekin batera Amorebietaren lesioari gehituz, bi zentral gabe gelditzen gara. Ocio eta Etxeita izan litezke defentsak hurrengo partidetarako

RECREATIVO 2-1 ATHLETIC

Errege kopako final hamaseirenen partidua jokatu zuen Athleticek Huelvan pasa den astean. Joaneko partiduan San Mamesen bi eta huts irabazi zuen talde bilbotarrak. Baina pasa den asteko partiduan asko sufritu zuen talde bilbotarrak, Colombino hutsik zegoen eta hala ere Athleticek ezin izan zuen partidu ona egin. Akalek, 1-0 egin zuen falta baten ondorioz eta alboko sake batetik Ersen Martinek 2-0 egin zuen partidua atsedenaldira heldu aurretik.
Bigarren zatian ez zen askorik gertatu eta Ion Velez partiduan sartu zen. Honek Recreativoko atezainak egindako huts baten ondoren penaltya atera zuen, hau jaurtitzeko erabakia LLorentek hartu zuen, 2-1ekoa lortu eta Athletic hurrengo faserako sailkatua dago.
Hurrengo faserako sorteoa abenduan egingo dela jakinarazten dizuegu.

Hurrengo partiduak

Athleticek aste honetan bi partidu jokatu behar ditu. Lehena bihar izango da Huelvan Recreativoren aurka. Partidu hau errege kopari dagokiona da eta dakigunez, partidua PPV plataformak emango du, beraz ez da dohaiko partidua izango. Bestalde, asteburu honetan Athleticek ligako partidua izango du San Mamesen Osasunaren aurka. Partidu hau dakigunez La Sexta kateak emitituko du, aldaketarik egon ezean. Partidua igandean izango da, arratsaldeko zazpietan, lehenago informatu genuen bezala.

MALLORCA 3-3 ATHLETIC

Pasa den igandean gure taldeak puntu bat ekarri zuen Palmatik, puntu hau hasiera batean ez da ontzat jo behar baina partidua nola egon zen ikusita ona da. Mallorca izan zen markagailuan aurreratu zen lehena, korner baten ondoren baloia Juradori itsuli zitzaion eta honen erdiraketa Cleber Santanak sartu zuen. Markagailu honekin, Athletic berdinketaren bila joan zen eta hau lortu baino lehenago Jurado ate azpitik atera zuen Llorenteren burukada bat. Lehen zatia bukatu aurretik, epaileak penaltya adierazi zuen athleticen alde eta Iraolak berdinketa jarri zuen.
Bigarren zatian Mallorca erasora joan zen eta Arangok 2-1 eta 3-1ekoa jarri zuen markagailuan, biak Adurizen pase baten ondoren. Gauzak horrela arazo larriak egongo ziren Bilbon, beraz Athletic erasora jo behar zuen berriro. 3-2koa Ion Velezek egin zuen Yesteren pase baten ondoren eta 90. minutuan Llorentek azkenik lortu zuen berdinketaren gola.
Esan beharra dago ere Llorenteri epaileak gol bat anulatu ziola jokoz kanpoko bategatik eta aurrelariari penalty bat egin ziotela epaileak adierazi ez zuena.
Beraz, puntu ona Bilbora!!!

albiste berriak

Aurreko atal baten aipatu bezala, Amorebieta hilabete baterako lesionatuta dago, beraz, hasiera batean Ustaritz izango zen Ociorekin defentsa lanetan arituko zena. Baina hau ere lesionatu egin da, beraz Mallorcan jokatzeko, Casas edo Etxeita izango dira zentral bezala jokatzeko daudenak.
Bestalde beste berri bat dugu, ordutegi bat hain zuzen ere. Athletic eta Osasunaren arteko partidua azaroaren 16an jokatuko da, igandea, arratsaldeko zazpietan.
Telebistaren batek partidua emango balu jakinaraziko dugu.

zenbait berri

Asteko zera aipatu behar da larunbatean Villarrealen aurreko partidan, Fernando Amorebieta hilabete baterako lesionatu zela bere abduktorean. Bestalde, gure taldeari dagokionez, hurrengo partidak ondorengoak dira, asteburu honetan Mallorca-n jokatu behar dugu eta partidu hori igandean arratsaldeko bostetan izango da, oraindik ez dakigu gol tv-ek edo ppv-ek emango duen, jakiten dugunean, informatuko dugu.
Bestalde, datorren astean, Huelvan jokatu behar dugu Recreativoren aurka errege kopako final hamaseirenen itzuleko partidua. Partidu hau azaroaren 12, asteazkena izango da, gaueko bederatzietan. Lehen esan bezala ez dakigu ze telebistan ikus daitekeen partidua baina informatuko dugu.

athletic 1-4 villarreal

larunbatean San Mamesen jokatu zen partidan Athletic-ek bere bosgarren partida jarraian galdu zuen ligan, honekin, gure taldea azken aurreko gelditu da klasifikazioan. larunbateko partiduan athletic-ek lehen zatia ondo jokatu zuen, hiru puntuak Bilbon gelditzeko nahiarekin, baina hala ere, Rossik 0-1ekoa egin zuen athleticen defentsaren huts baten ondoren. Etxeberriak partida berdindu egin zuen buruz David Lopezek erdiratutako corner baten. Baina bigarren zatian lehenean egindakoa bota zuten leoiek, izan ere, 1-2koa Piresek lortu zuen, 1-3koa Cazorlak eta 1-4koa Altidorek. Azken honek 16 segundu besterik ez zituen jokatu espainiako ligan, San Mamesen sartu eta bertan gola egin.

athletic - villarreal

Asteburu honetan ligako bederatzigarren jardunaldia jokatuko da espainiako ligan. Gure taldeak Villarrealen aurka jokatuko du eta badakigu ordua.
Athletic-Villarreal partidua San Mamesen jokatuko da larunbat honetan gaueko zortzietan. Badakigu ere partidu hau La Sexta telebista kateak emitituko duela.

errege kopa ATHLETIC 2-0 RECREATIVO

atzo gauean Athletic-ek bi eta hutz irabazi zion Recreativori. giro hotza zegoen San Mamesen atzo gauean, baina taldearen lehen golarekin denak gora etorri ziren. Lehen gola Ion Velezek sartu zuen Iraolaren pase baten ondoren. Gol honekin Athletic gora etorri zen eta jokaldi ederrak egin zituen. Atzoko partidan eskuin egalak ikaragarri funtzionatu zuen, Iraola eta Susaetaren jokaldiekin.
Bigarren gola David Lopezek sartu zuen falta jaurtiketa batean eta bi eta hutzekoarekin heldu ginen lehen zatiaren bukaerara.
Bigarren zatia ez zen hain ona izan, Koikilik izan zuen aukerarik garbiena baina ez zuen sartu. Esan beharra dago ere Recreativok bigarren zati osoa hamarrekin jokatu zuela Ersen Martin aurrelaria kanporatu zutelako.
Recrek azken 15 minutuetan eduki zituen aukerak baina ez zituen gauzatu, beraz bukaeran 2-0 eta bueltako partiduaren zain.

real madril 3-2 athletic

atzo gauean, athletic-ek 3-2 galdu zuen santiago bernabeu futbol zelaian. real madrilek 12. minutuan sartu zuen bat eta utzekoa, sneijder-ek. bigarren gola higuainek egin zuen jokaldi on bat ondoren, van der vaart-ek orpoz eman baitzion pasea. momentu horretan athletic erasora joan zen eta joseba etxeberriak bi eta batekoa eskuratu zuen. lehen zatia bukatzear zegoenean, epaileak penalty adierazi zuen athletic-en alde eta iraolak berdinketa jarri zuen markagailuan.
bigarren zatian athletic-ek ez zuen askorik egin, eta real madrilek bi zutoin eman ondoren, higuainek 3-2-koa jarri zuen markagailuan. azkenik partida bukatzear zegoela epaileak amorebieta kaleratu zuen eta llorente baloi bat zutoinera bidali zuen

zenbait berri

Lehen argitaratutako entrada baten esan bezala Athletic-ek igandean jokatuko du Santiago Bernabeun. Partida hau canal+ ek emitituko du eta Athletic-entzat berri on bat dugu: Van Nisterooy ez da partida horretan egongo, Atleticoren aurkako partidan txartel gorria ikusi zuelako. Partiduaren hamaikakoak igandean emango ditugu.
Bestalde datorren astean errege kopa jokatzen hasiko da Athletic, Recreativoren aurka jokatuko du ostegunean San Mamesen joaneko partidua.

Athletic 0 - 1 Bartzelona

Pasada den astean, igandean, San Mamesen Athletic eta Bartzelonaren artean jokatutako partidan, 0-1 amaitu zen kataluniarrentzat, Eto'o-ren gol bakar batekin Henry-ren jokaldi ezinbesteko bat eta gero.
Partidua, oro har, nahiko berdindua egon zen partida guztiaren zehar, emaitzarik bidezkoena, berdinketa zen, baina Athletic-ek ez zuen gol batere ez sartu, urteko gaitz larriena hau da, eta Bartzelonak Eto'o-ren bidez garaipenaren gola sartu zuten 63. minutuan. Gainera, Athletic-ek bakarrik arriskua sortu zuen Valdes-en porterian falta zuzenen bidez.
Emaitza honekin, Athletic-en etorkizuna ez dago oso argi, 5 puntu 7 jardunaldietan balantze oso pobrea da, bigarren mailara eramaten duten postuetatik gertu gertu dago eta.

Athletic eta Bartzelonaren arteko partidaren momentu onenak.

athletic-bartzelona

Athletic Bartzelona partidua asteko hiru ordu falta dira bakarrik eta ordu hauetan Athletic-en hamaikakoa ondorengoa izan liteke:Iraizoz; Iraola, Aitor Ocio, Amorebieta eta Balenziaga; Gabilondo, Orbaiz, Yeste eta David Lopez; Garmendia eta Llorente.
Bestalde Bartzelonaren hamaikakoa ondorengoa izan liteke: Valdes; Dani Alves, Puyol, Marquez eta Abidal; Busquets, Keita eta Iniesta; Henry, Eto'o eta Bojan

javi martinez eta Real Madril-Athletic

Ezineskoa zirudien arren, Javi Martinez-ek igandean jokatuko du Bartzelonaren aurka. Hasieran lau aste egongo zen bajan, baina azkenean bi aste baja egon ondoren, osatu eta igandean jokatzeko moduan dago.

Bestalde, datorren asteburuan Bernabeun jokatuko den partida Real Madril eta Athletic-en artean igandean izango da gaueko 9.00etan. Canal + eskainiko duelarik

ATHLETIC-BARCELONA

Pasatako asteburu honetan ligarik ez egon arren, igande honetan gure taldeak berriro jokatzen du.
Athletic-ek San Mamesen jokatuko du Bartzelonaren aurka. Badakigu partida hau igandean jokatuko dela arratsaldeko zazpietan eta badakigu era berean, La Sextak emango duela, aldaketarik egon ezean.

Partida zaila dugu, baina ez ezinezkoa Aupa Athletic!!!

Batzarkideek Macuaren aurrekontuak arbuiatzen dituzte

Batzarkideek Macuak 2008/09 denboraldirako proposaturiko aurrekontuak arbuiatu dituzte. 600 batzarkideetatik, 325 ezetz bozkatu zuten aurrekontu berriari, 259ek aprobatu zuten, 9 boto zuria eman zuten eta 7 nuloak izan ziren.
Modu honetan, Macuak 57.715.000 €-ko proposaturiko aurrekontua eta %5,86 kuoten igoera ez dira aurrera joango. Batzarkideek Macuari aurrekontuak aprobatzen ez dioten bigarren urtea da, iaz ez baitzituzten aprobatu.
Batzarrean ontzat eman zuten gauza bakarra, 2007/08-ko balantzea izan zen. Iaz, 33.396 euroko superabita egon zen eta 324 botoekin aprobatu zuten balantze positiboa.

Igandeko partida eta Javi Martinez

Hala da, pasa den igandean Athletic-ek Sevillan jokatutako partida aurten ikusi dugun txarrena izan zen dudarik gabe, Almeriaren kontrakoa baino txarragoa. Gure taldeak 4-0 galdu zuen, baina hori ez zen txarrena izan, 3 gauza txarrago egon ziren.
Lehena, Sevillak askorik egin gabe lau gol sartu zizkigun. bigarrena, Athletic-ek erasoan ez zuela ezertzo ere egin eta azkena, Javi Martinez lesionatu egin zela.
Igandeko partidua galdu ezik, Javi Martinez ere galdu dugu hilabete baterako.

Sevilla eta Athletic-ren arteko partiduaren laburpena

Agurra

Blog honetan Athletic-en bi zalek gure taldeari buruz hitz egingo dugu. Athletic-en partiduak, berriak eta bestelakoak komentatutako ditugu blog honetan. Horretaz gain, gure iritzi pertsonalak, gai ezberdinei buruz plazaratuko ditugu.